Read Users' Comments (
0
)
出發上山！
今季滑雪之旅決定離棄去咗十多年嘅Niseko，試試離東京數小時，位於長野嘅志賀高原。住宿地點為燒額山底嘅Prince Hotel西館。出發前做research已經知道附近無啖好食，對於被Niseko縱慣嘅我哋，有啲擔心，本來想轉場，但已經太last minute，唯有如期出發。
今次大隊兵分幾路，唔同日子，唔同機場出發到志賀。但都係乘坐Chuo Taxi。原本個plan係由機場坐新幹線到長野站，再轉酒店shuttle，但大家都大件細件，所以決定坐Chuo Taxi，起碼door to door唔駛煩。Chuo Taxi由成田到志賀，每人12800yen，包一件行李及一件handcarry，我哋多個板袋再加多1000yen。不過各人嘅際遇果真不一樣。Team A四人，我哋架車有多一個坐另一班機到達，去輕井澤嘅澳洲人，由於大家班機無遲到，算係準時出發。架van好似坐雞記咁，腳又申唔長，唔算舒服。
停咗兩個中途站，而第三個站時，阿澳洲人落車轉另一架車，咁煩嘅？ 攪攪吓，到達時已經差唔多九點！OMG！另一個朋友由羽田上，一個人坐一架車，中途站自己決定幾時開車，所以早成一個鐘到達！佢話酒店餐廳都收哂檔，唯有小小convenience store開到9：30，所以幫手買定杯麵同麵包！長途跋涉坐咗十幾個鐘，要喺房食杯麵，都真算係陰公！不過，原來慘處未算慘，第二日到達嘅朋友，就因為同車乘客班機delay，遲咗個幾鐘先起行。另一個就自己一人出發，同車有個family係去Hakuba，所以被拋落車轉車嘅就係佢，最慘係喺中途站等另一架車嚟接，等咗一個鐘！Chuo Taxi網站話就算同車乘客班機delay要等，最多都係半個鐘，搵笨喎！
總括嚟講，唔會再坐Chuo Taxi，實在太麻煩同太浪費時間！
今次大隊兵分幾路，唔同日子，唔同機場出發到志賀。但都係乘坐Chuo Taxi。原本個plan係由機場坐新幹線到長野站，再轉酒店shuttle，但大家都大件細件，所以決定坐Chuo Taxi，起碼door to door唔駛煩。Chuo Taxi由成田到志賀，每人12800yen，包一件行李及一件handcarry，我哋多個板袋再加多1000yen。不過各人嘅際遇果真不一樣。Team A四人，我哋架車有多一個坐另一班機到達，去輕井澤嘅澳洲人，由於大家班機無遲到，算係準時出發。架van好似坐雞記咁，腳又申唔長，唔算舒服。
 |
| Add caption |
 |
| 中途站都幾多嘢賣同食 |
 |
| 附近有個baby休憩地，擺吓pose先 |
 |
| 買啲餃子同燒賣上車食 |
停咗兩個中途站，而第三個站時，阿澳洲人落車轉另一架車，咁煩嘅？ 攪攪吓，到達時已經差唔多九點！OMG！另一個朋友由羽田上，一個人坐一架車，中途站自己決定幾時開車，所以早成一個鐘到達！佢話酒店餐廳都收哂檔，唯有小小convenience store開到9：30，所以幫手買定杯麵同麵包！長途跋涉坐咗十幾個鐘，要喺房食杯麵，都真算係陰公！不過，原來慘處未算慘，第二日到達嘅朋友，就因為同車乘客班機delay，遲咗個幾鐘先起行。另一個就自己一人出發，同車有個family係去Hakuba，所以被拋落車轉車嘅就係佢，最慘係喺中途站等另一架車嚟接，等咗一個鐘！Chuo Taxi網站話就算同車乘客班機delay要等，最多都係半個鐘，搵笨喎！
總括嚟講，唔會再坐Chuo Taxi，實在太麻煩同太浪費時間！
 |
| 可憐的我們食杯麵 |
住宿篇
今次喺志賀揀咗燒額山腳嘅Prince Hotel西館，Prince Hotel係日本數一數二嘅酒店集團，每個地方都有佢哋嘅蹤影。Prince喺志賀有三個館，東南同埋西，每個相隔五分鐘路程左右，話遠唔遠。每個館都有自己嘅食堂，餐廳同大浴場。Prince Hotel係ski in ski out，酒店地下大堂有個貯物area，有locker，租借滑雪用品corner，啲板嘅quality都算ok。但個locker area唔算乾燥，有時過咗晚夜，啲gear都未乾得哂。
大浴場有個沖涼嘅地方，亦有個室外bath，不過並唔係溫泉水，只係一大缸熱水，其實滑完一整日雪，身心酸軟，浸番個真正琉璜溫泉係好重要，第二日又會精力充沛再戰雪山。所以只係落咗兩日，其餘時間都係喺房開缸水浸兩浸。裡面仲有免費洗衣機，不過就要俾500yen買洗潔劑。風筒就非常雞，用兩個一齊吹都未必好快乾！
不過，好過冇嘅係，每層樓一出電梯都會有一張按摩椅，入100yen就按十分鐘。張按摩椅可以set program，想按邊就focus嗰個area，算係唔錯。不過由於每層得一張，所以好多時候都要等，有啲人仲好似等排街機咁，擺定哂啲coins喺度等㗎。
呢間酒店設施其實就真係冇乜，而且有個奇怪地方。理應執房嘅事，每日都會做。但係check in嘅時後，竟然問我住八日，揀邊兩日執，吓？所以好多時候都會問management office攞毛巾，而垃圾就要自己攞出去。
 |
| 餐廳望出去嘅景 |
 |
| view from room |
 |
| view from room |
滑雪場
志賀滑雪場位於海拔1500公尺到2300多公尺嘅高山上，有66座吊車、cable car連接住21個滑雪場，係日本最大滑雪場, 仲係1998年冬季奧運比賽場地添。 滑足七日，最唔習慣有兩樣 1）酒店喺海拔1700尺，氧氣唔夠，行兩步好容易就會喘氣，人都容易水腫。2）有啲滑雪道係ski only，所以我哋board仔有啲地方去唔到, 例如奧志賀場就係。
Hotel可以買到ski pass，由於第一日係warm up 日，所以買咗張燒額山only嘅pass，4500yen再加500yen deposit，還pass會refund。跟住嗰幾日就通山走，所以買咗Super Pass 5，每人21600yen，都幾化算。
 |
| 燒額山全圖 |
志賀地大脈搏，最好玩嘅地方係可以山過山，有時都唔知去咗邊。我最鍾意係東館山，因為有一段好似頭文字D嘅山路，又窄，髮夾灣又多，走完後要攤喺度唞唞，不過好刺激呀！有啲路段係幾奇趣，望住地圖，明明目的地係後方山頂，偏偏要繞過對面山，再咗幾個chairlift先去到。由於曾經舉辦過冬季奧運，有好幾個slope標明係Olympic Runs添，例如燒額山往東館有條黑色大斜坡就係嘞。不過唯一缺點係每個滑雪道都唔係太長，坐十分鐘chairlift，而落嚟嚟就三分鐘攪掂，之後又要除鞋再嚟過。去開Niseko，就發覺志賀高原就缺少Gate同埋穿樹林，講返東館山，有段坐二人前gondola到山頂之後，可以上展望台，可以睇到整個山頭，天氣好，連山之內町市都睇得好清楚。
Niseko其中一個好玩嘅地方就係有night ski。通常四點歎完下午茶之後就走多幾轉night ski，玩得狠可以玩到八點添。個人覺得，night ski其實能見度高好多，劈都劈得起勁啲。喺志賀，四點十五分就close chairlift，成日都好似好趕咁，玩到最多五點就要sayonara。Night ski唔係冇，但只係逢星期六，五點到七點，喺東館slope某一小段開放，計過時，坐chairlift八分鐘，而劈落山就兩分鐘多攪掂！不過，買咗嘅ski pass原本係唔可以玩night ski，要另外買1600yen嘅pass玩呢兩個鐘。話雖如此，喺呢兩個鐘裡面，隨咗我哋九個人之外，玩嘅人數埋都無十個，唔怪得一個禮拜先開嗰兩個鐘啦！可能啲人覺得俾多1600yen唔抵啦！
 |
| 頭文字D路段嘅東館山 |
 |
| 死掉 |
 |
| 二人前gondola，建於1976年 |
  |
| 東館山展望台 -- 成朝爬高爬低，就係為咗呢個view |
 |
| 燒額山返西館途中，忍唔住要停低影一餐 |
頑童六件
東館山底另一面係往蓮池及丸池嘅滑雪場，上到頂，喺左邊有一條好唔起眼往蓮池嘅牌，我同另外兩個朋友早發覺就片到過去，一路行發現咗一條小隧道，而隧道另一邊係有啲上斜，所以，就算你幾高速，都冇可能衝到上去，又要除鞋！不過又真係幾特別！
 |
| chairlift上蓮池，丸池 |
 |
| 趣怪隧道出口 |
 |
| 有人唔知做緊乜 haaaa |
食肆篇
最後，緊係講食啦，香港人，點都係食最緊要，但偏偏喺志賀最難攪就係呢方面。出發前已經知道西館附近無乜好餐廳，睇定東南西館有乜好餐廳，諗住都係喺酒店攪掂算數。頭一晚已經食杯麵，第二晚就試試大食堂Westside嘅buffet。每位4500yen，有任食和食，洋食，仲有個三選一嘅主菜。我只可以話係無選擇之下都算過得去，但港紙二百幾三百蚊，就好唔抵！佢嘅buffet早餐，1800yen一個，都係standard嘅嘢，唔算好食。所以每朝都係落convenience store買個朱古力麵包加vending machine噤個熱coco。
西館旁邊有間小廂房中国料理獅子，地面層係拉麵館，地牢就係中華料理。拉麵不過不失，不過只係lunch先開。情人節嗰日，無理由又食buffet，於是去咗食中華料理。先上個魚肚羹同買咕嚕肉，味道確實唔錯，但之後嚟嗰幾碟就太濃味，好鹹。ummm，都係無回頭。
另外想介紹係喺燒額山南館gondola basement有一間小小餐廳叫Bianca，係專門食咖哩嘅小館。一份咖哩都幾夠食，但唔夠飽可以淨加一份burger，啱啱好！呢度都有軟雪糕食，不過就係self serve，自己行去部雪糕機度整。並唔係一般你自己噤出，自己卷，係佢唔知幾時用乜嘢速度走出嚟，所以整得好肉酸！Bianca跟gondola一樣，都係四點關門，有次由東館山趕返嚟食，好彩都趕到！
好彩，有朋友介紹，最終搵到間似樣嘅居酒屋たいむ（Izakaya Time）。問reception點去，佢教我哋過對面馬路坐一個站巴士就到，其實，由西館行過去，出咗馬路，轉右一直行就到，只不過係十分鐘內嘅事。位於一の瀬山底，大六Hotel嘅たいむ，原來都幾坐無虛席。我哋一行十人被安排坐tatami，不過其實全程屈住對腳，都幾唔舒服。不過講番啲食物，都有好幾個signature dish，好似雞肉軟骨串つくね，食到第三晚先食到，次次都賣哂。居酒屋嘅串燒大部分都唔錯，所以主食都係叫串燒。其次就係鍋物，一個portion大概二至三人分量，所以三個portion先夠我哋食。每日都會有廚師特選，不過有好多睇唔明，好彩waiter都會指指畫畫細心咁解釋。每晚食完都會捧住個肚，但都係每人二千幾yen，真超值！所以總共去咗三晚咁多！
乘坐東館山gondola上到山頂，好特別，無端端有間小小soba店信州そば東館山。每碗都只不過係750yen，加隻溫泉蛋多50yen，麵質彈口煙韌。攀山越嶺之後，食碗熱辣辣soba，可謂無得頂！
最後，呢間就真係要推介。Aspen 係喺東館山同西館山底，嗰度有一連好幾間好歐陸式嘅酒店，以Aspen就係其中一間。話說玩過頭文字D條trail之後post咗上網，朋友就問有無食Aspen嘅蘋果批，睇返地圖，原來玩完頭文字D之後就坐gondola上返山頂，無落到底，所以第二日再去多次。Aspen餐廳喺地面層，餐廳無乜特色，但一入去就俾啲麵包吸引住，即刻揀咗個danish。而除咗一定要order嘅蘋果批之外，餐牌上好多嘢都想點，例如pasta，蛋包飯，我同朋友都點咗大家試。啲食物好有heart，最緊要係真正好味道，所以好回味。重點蘋果批，大大件，果肉多，非常juicy！牆上有張海報，原來啲蘋果係浸溫泉水㗎！值得推介嘅餐廳，所以到志賀滑雪，一定要到此一遊呀！
 |
| 位於Prince西館二樓嘅大食堂 |
 |
| Buffet dinner，個minestrone湯係最好味，啲料又足 |
 |
| 用vending machine買咗飛之後就可以攞食物 |
西館旁邊有間小廂房中国料理獅子，地面層係拉麵館，地牢就係中華料理。拉麵不過不失，不過只係lunch先開。情人節嗰日，無理由又食buffet，於是去咗食中華料理。先上個魚肚羹同買咕嚕肉，味道確實唔錯，但之後嚟嗰幾碟就太濃味，好鹹。ummm，都係無回頭。
 |
| 拉麵頗有水準 |
 |
| 拉麵館 |
 |
| Basement嘅中華料理 |
 |
| eeeeee... |
好彩，有朋友介紹，最終搵到間似樣嘅居酒屋たいむ（Izakaya Time）。問reception點去，佢教我哋過對面馬路坐一個站巴士就到，其實，由西館行過去，出咗馬路，轉右一直行就到，只不過係十分鐘內嘅事。位於一の瀬山底，大六Hotel嘅たいむ，原來都幾坐無虛席。我哋一行十人被安排坐tatami，不過其實全程屈住對腳，都幾唔舒服。不過講番啲食物，都有好幾個signature dish，好似雞肉軟骨串つくね，食到第三晚先食到，次次都賣哂。居酒屋嘅串燒大部分都唔錯，所以主食都係叫串燒。其次就係鍋物，一個portion大概二至三人分量，所以三個portion先夠我哋食。每日都會有廚師特選，不過有好多睇唔明，好彩waiter都會指指畫畫細心咁解釋。每晚食完都會捧住個肚，但都係每人二千幾yen，真超值！所以總共去咗三晚咁多！
 |
| 位於一の瀬大六ホテル嘅居酒屋たいむ |
 |
| 等咗三晚終於食到嘅免治雞肉串, super juicy |
 |
| 雞腎 |
 |
| kimchi鍋物，豬肉好似唔多夠 |
 |
| 燒烤調味醬雞翼 |
 |
| 茶漬飯 |
 |
| 張枱細細，不過中間有個暖爐，爽！ |
 |
| 麵質超彈牙，好回味 |
最後，呢間就真係要推介。Aspen 係喺東館山同西館山底，嗰度有一連好幾間好歐陸式嘅酒店，以Aspen就係其中一間。話說玩過頭文字D條trail之後post咗上網，朋友就問有無食Aspen嘅蘋果批，睇返地圖，原來玩完頭文字D之後就坐gondola上返山頂，無落到底，所以第二日再去多次。Aspen餐廳喺地面層，餐廳無乜特色，但一入去就俾啲麵包吸引住，即刻揀咗個danish。而除咗一定要order嘅蘋果批之外，餐牌上好多嘢都想點，例如pasta，蛋包飯，我同朋友都點咗大家試。啲食物好有heart，最緊要係真正好味道，所以好回味。重點蘋果批，大大件，果肉多，非常juicy！牆上有張海報，原來啲蘋果係浸溫泉水㗎！值得推介嘅餐廳，所以到志賀滑雪，一定要到此一遊呀！
 |
| 食完嘢喺門前hea一hea，天氣又好，夫復何求 |
 |
| 超好味蘋果批 |
 |
| 蛋包飯，裡面啲飯仲係茄汁炒，正！ |
 |
| 浸溫泉水嘅蘋果，係咪真㗎 |
Videos
今次去大部分都有GoPro，所以material都幾多，而我嗰個最有心機做video嘅，當然又有作品啦！
跟住呢個就係頭文字D段全程，好爽呀！中途有啲鴨仔打橫行，而我又唔想停低除鞋，就對住佢哋大叫，於是彈開哂！
仲有，頭文字D尾段唔夠速度，轉唔到個髮夾灣！
今個trip嘅slideshow！
跟住呢個就係頭文字D段全程，好爽呀！中途有啲鴨仔打橫行，而我又唔想停低除鞋，就對住佢哋大叫，於是彈開哂！
仲有，頭文字D尾段唔夠速度，轉唔到個髮夾灣！
今個trip嘅slideshow！
| From Shiga 2015 |
Subscribe to:
Posts
(
Atom
)
